រូបភាព និងវីដេអូនៃពន្លឺភ្លើងចាំងពព្រៀកលើផ្ទៃមេឃ ដែលមានរាងចម្លែកបំផុតមិនធ្លាប់ប្រទះឃើញកន្លងមក បានធ្វើឲ្យផ្អើលពាសពេញបណ្ដាញសង្គម នាំឲ្យកើតមានសំនួរសួរថាវាជាពន្លឺអ្វី។
ជាការពិតទៅពន្លឺភ្លើងនេះកើតចេញពីការបាញ់បង្ហោះគ្រាប់រ៉ុកកែត Falcon 9 របស់ក្រុមហ៊ុន SpaceX ដែលបាញ់ចេញពីមូលដ្ឋានកងទ័ពអាកាស Vandenberg ក្បែរតំបន់ Santa Barbara រដ្ឋ California សហរដ្ឋអាមេរិក។
គ្រាប់រ៉ុកកែត Falcon 9 នេះនឹងដឹកជញ្ជូនផ្កាយរណបចំនួន ១០ ក្នុងចំណោមផ្កាយរណបចំនួន ៧៥ ដែលនឹងបង្កើតជាកញ្ចុំផ្កាយរណបសកលជំនាន់ថ្មីមានឈ្មោះថា Iridium NEXT ដែលបម្រើការដល់សេវាទូរសព្ទ និងទំនាក់ទំនងផ្នែកទិន្នន័យ៕
Comments
Post a Comment